Ba Ober Jilid Dua

Gula-gula goro.
Jepang : keapa ban bekas dorang buang-buang ?
Utu’ : no, kong for apa dan…
Jepang : kalo di jepang, ban bekas maso pabrik for beking kondom kong jual di
manado
Utu’ : kong kalo kondom bekas di jepang beking apa dan…
Jepang : buang no, for apa dan…
Utu’ : kalo di
manado, kondom bekas maso pabrik for beking gula-gula goro kong jual di jepang
Jepang : keo’de’..!!!


utu deng keke dapa lia so sama deng amplop+prangko…
ka mana2 salalu bajang sama2….
cuma de pe masalah nih keke pe papa nyanda kase dorang dua batona…

utu nimau patah semangat….
dia bako ator deng keke…
dia bilang kalo tiap malam minggu dia mo pigi ba aple ba ba diang…
kong tiap kali mo ba apel.. utu pake kode lagu “Bulan Pake Payung”

jadi tiap malam minggu, utu pigi bateru dimuka keke pe jandela kamar kong manyanyi lagu “Bulan Pake Payung”….

utu manyanyi……
bulan pake payung tuturuga batolor….
nona dari ambon datang kaweng di kobong…

keke pe dengar lagu langsung buka jandel kong balompa….
dorang pi bagadang di bawag pohon gedi…

kira-kira 4 minggu utu mandarat pa keke kong selalu pake kode “bulan pake payung”….

ternyata keke pe papa so mulai curiga…
kiapa ini tiap malam minggu salalu ada yg manyanyi “bulan pake payung” di muka pa dorang pe rumah….

gara2 penasaran…
keke pe papa bilang pa keke for mo baku tukar kamar….
keke tidor deng dia pe mama….
keke pe papa tidor pa keke pe kamar….

nah….
pas malam minggu….
utu datang mo batona deng keke….
pe sampe di muka keke pe jandela kamar…
utu langsung manyanyi….
“bulan pake payung tuturuga batolor”….

dia heran kiapa keke nyanda kaluar kamar….
dia manyanyi ulang tu lagu….

keke pe papa bahoba dari jandela…
keke pe papa lia utu ada manyanyi di muka keke pe jandela kamar…

utu manyanyi trus tu lagu…
dia ulang manyanyi…..
dia pikir keke so ta tidor stow kong nyanda dengar….

utu manyanyi ulang….
“bulan pake payung tuturuga batolor…..”

kage2 keke pe papa buka jandela…
kong bataria…..
hei tuturuga pigi batolor jao-jao ngana…
jang batolor di sini….
ato kita potong ngana pe tolor….


Suatu hari, Utu yang ada pastiu-pastiu pa depe majikan karna dapa marah trus, dapa suru pigi di toko bangunan for mo bli paku.
Pe sampe di toko bangunan, Utu ba tanya pa Ko’.

Utu : “Ko’,..mo bli paku dang satu kilo”.
Ko’ : (batanya deng polos2) “Mo bungkus ?”
Utu : (so deng pastiu Utu bajawab)..Nyanda !!….Mo makang sini..!!
Ko : Hah???!!


Bagitu dengar Alo mo brangkat ka Jakarta

Satu persatu birman datang kase nasehat ,maklum Alo blum pernah merantau

Salah satu birman yang datang Om Petu’ bagitu sampe dia langsung kase nasehat

Om Petu : Alo, ngana musti hati-hati di Jakarta..inga bagitu sampe di Priok ngana pe dompet Sesosuru butul –butul karna di sana banyak tukang copet…….ngana lengah sadiki Tu dompet langsung amblas

Alo : Makase om da kase inga pa kita…..mudah –mudahan kita ndak lupa

Blum klar Om Petu” bicara tante Mince so basambung bicara…….

Tante Mince : Alo tu alamat di Jakarta so jelas ato belum…. Ngana harus hati-hati soalnya di sana banyak tukang tipu

Alo : Makase tante akan kita inga-inga…..mar boleh kita ba tanya…….pa om deng tante……..

Om Petu` deng Tante Mince rupa koor langsung jawab boleh……. Apa ngana mo tanya…

Alo : Om deng Tante pernah ke Jakarta…..?

Deng muka merah dua –dua langsung jawab belum pernah ………..

Mar biar bagitu Alo tetap inga tu Om Petu dang tante Mince pe nasihat

Bagitu sampe di Tanjung Priok ..Alo langsung kase sosuru butul-butul to dompet dia pake calana 2 lapis kong sesisa dipopoji

Cuma 10 ribu…. Soalnya mo kase bayar ojek ……maklum nyada ada yang ba jemput karna dari pelabuhan ke Permai memang dekat . Sambil bawa alamat di tangan Alo ba dekat pa tukang Ojek deng stel yakin Alo ba tanya

Alo : Pak bisa antar ke alamat ini…….

Tukang Ojek : Oh…bisa……..keujung manapun akan gua antar….

Alo : Minta brapa………..(sambil Alo inga – inga tante Mince pe nasehat)

Tukang Ojek : Goceng….. aja….ndak mahal……….

Alo langsung jadi bingo-bingo jaha…..apa itu goceng……kalu cepe dia tau tapi kalu goceng………??

Sambil garo – garo kapala karena bingo….lantas Alo dapa akal ….. Alo pura –pura ba tawar……..harga…

Alo : Bagimana kalo Gohu aja…….

Skarang malah tukang ojek yang bingo brapa itu Gohu….seumur –umur dia blum pernah tau…maklum dia juga baru di Jakarta

Jadi deng muka bingo tukang ojek batanya bale

Tukang ojek : Mas…brapa itu Gohu……….

Alo : Loh..kalu Goceng brapa…….(Alo pura-pura bodok padahal mememang bodok)

Tukang Ojek : Goceng itu Lima ribu rupiah……

Alo : Nah kalo Gohu itu tiga ribu…..tapi ndak apa –apa kalo goceng asal sampe di depan rumah ….he..he…he…

Tukang Ojek : Oooooo jadi jadi kalo Gohu tiga ribu……to…..


Tikus-tikus lagi ba “OBER”

Tikus pertama :
Kita kalu cuma perangkap tikus kita nya ja anggap,
kita ja anggap itu mainan bue’ bue’ dibawah pohon tome tome.

Tikus kedua :
No kalu kita tu’ racung tikus kita ja anggap stauw,
kita beking rupa anggor tek ho long.

Tikus ketiga :
No kalu bagitu kita mo permisi dulu…!

Tikus pertama deng kedua :
Kiapa mo kemana so…???

Tikus ketiga :
Ohhh…kita mo pi bahugel dulu deng tu’ tusa’ di sebelah.

Tikus pertama deng kedua :

5 thoughts on “Ba Ober Jilid Dua

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s