Ba Ober Sadiki Dulu

Kita Nda Lia No

Di suatu malam yang sunyi dan senyap ada tu tiga orang pokpok da bacarita mo cari tau sapa tu lebe jago.

Pokpok1 : “Eh,coba torang tiga baku uji sapa dang yang lebe jago.”
Pokpok2 & Pokpok3 : “Boleh,ngana pe kira torang mo tako”

Kong sudah dorang tiga mulai baku suten sapa yang te dapa bagian pertama.Nah,ini pokpok1 dapa bagian pertama for kase tunjung tu jago.

Dia langsung tarbang secepat kilat,nda lama baru 2 menit dang dia so bale ulang sambil dari depe mulut da kaluar-kaluar darah segar,kong dia bilang pa depe tamang laeng,

Pokpok1 : “Ngoni da lia itu desa di sana?”
Pokpok2 & Pokpok 3 : “Iyo…”
Pokpok1 : “Samua rata,kita so kase abis!” (Sambil ta tawa puas)

Pokpok2 nda mo kalah,kong dia langsung tarbang lei secepat kilat,nda lama barang 3 menit dia so bale sambil dari depe mulut,deng depe tangan badarah-darah segar.Trus dia langsung pamer pa depe tamang-tamang.

Pokpok2 : “Ngoni da lia tu kota di seberang itu?”
Pokpok1 & Pokpok3 : “Iyo…..”
Pokpok2 : “Samua rata,kita so makang dorang samua!” (Sambil ta tawa puas)

Pokpok3 lei nda mo kalah, kong dial langsung tarbang macam tu kilat.Mar nda lama 1 menit kemudian dia so bale tapi depe mata,idong,mulut,deng depe baju kaluar darah segar.

Dua Pokpok laeng pe dalam hati ” dia lebe jago dari torang dua eh”.Kong ini pokpok3 tanya pa depe tamang-tamang

Pokpok3 : “Ngoni dua lia tu tiang listrik di perempatan sebelah?”
Pokpok1 & Pokpok2 : “Lia….”
Pokpok3 : “Cuka minya kita nda lia noh”

Ci deng Ungke

Suatu siang Ci baru klar bacuci baju, Di rumah Ci juga ada piara burung yang baru abis ko kase mandi kong ada jemur, karna Ko senang dengar suara burung.

Waktu Ci mo tidor siang,dia pesan pa ungke yang kerja di rumah pa ci,

Ci : “Ungke ,,kalo somo ujang tolong angka akang ci pe rok kong kase maso itu burung.”

Ungke : “Iyo ci..”

Pas hujan..ungke langsung masuk pa ci pe kamar, Ci lagi da tidor kong ungke angka ci pe rok kong kase maso tu burung,sesuai perintah ci tadi, Ci kage bangun kong marah-marah,

Ci : “Ungke,,apa ngana da bekeng ini ?”

Ungke : “Ci bilang kalo somo ujang, angka ci pe rok kong kase maso tu burung.”

Ci : “Adooo ungke, bukan itu ta pe maksud..”

Karna ci le so rasa sadap,,ci sambung lagi

Ci : “Mar capat jo ungke, jang ko dapa riki”

Ada Dua Proyek mo Pica

Istri seorang Sopir mikro kase tau pa depe laki :

Istri : “Napa torang pe tetangga so lebe hebat. Dorang so beli TV, kulkas deng sagala macam! Kong torang dang belum dapa apa-apa?”

Kong depe laki bilang : “Tunggu jo ada dua kita pe proyek somo pica”

Istri : “Proyek apa dang itu? ”

Depe laki jawab : “Kalu bukang ngana pe mata yang pica, ngana pe bibir yang pica..!!!”

Opa ma Cucunya

Di sebuah desa tinggal lah sekeluarga yang harmonisss…..di keluarga tersebut ada seorang kakek yang sudah 80 tahun dia mengidap penyakit mata …….!!!

Pada suatu hari kakek ini lagi nonton acara tv tiba-tiba penyakit matanya kambuh !!!!!!!!

kakek : “Alo cucuku ngana ada bekeng apa itu ?”

Alo : “Kita ada makang opa kiapa lagi !” (dengan sedikit kesal)

kakek : “Alo ambe akang opa pe obat tetes mata dang plisssssss !!!!!”

Alo : “Dimana opa ada taruh so ??”

kakek : “Coba ngana lia di meja dikamar pa opa ?”

Alo : “Nyanda ada opa, coba opa inga2 ada taruh dimana itu obat ?”

kakek : (sambil memikir sejenak) “Ohhh iyo ada di atas kulkas sto coba ngana lia ??”

Alo : “Yang panutup orange ??”

kakek : “Iyo bawa jo kamari !!!”

Alo : (alo datang menghampiri opa) “Ini opa ?”

kakek : “Adoh opa so nyanda mo dapa lia baca jo depe aturan pake !!!cpt jo opa pe mata so saki !!”

Alo : “Teteskan dan diamkan selama dua menit !!”

kakek : (sambil mengambil obat lalu diteteskan d mata)

( dua menti kemudian )

kakek : “Alo kiapa opa pe mata so nyanda tabuka ???”

Alo : “Nintau dang opa !!”

kakek : “Coba ngan baca akang depe merek kalo apa ?”

Alo : (dengan keras alo membaca merek obat tetes mata tersebut) “ALTECO !”

SANGER VS KEMA

Ada tu orang sanger ( ungke ) dengan orang kema ( kema ) ba cerita kalu sapa pe kampung tu yang lebe jago

kema : “Ungke, torng pe kangkong di kema.. be..h tikus boleh ja maso akang”
ungke : “Kalu torang pe kangkong kema, tikus tako ja maso…”
kema : “Kiapa bagitu dang ke..??”
ungke : “Ada tusa didalam !!!”

Depe beso dorang ley baku dapa ulang di warong kema nemau kalah pa ungke, dia langsung angka suara lebe dulu

kema : “Ungke, ngana tau.. e dorang ada dapa tu ikang putih di kema, rupa sosiru depe besar….”
ungke : “Ah torang ley di sanger rupa sosiru dp besar…”
kema : “Ah nda mungkin noh ? sama dang ?”
ungke : “Jangan senang dulu kema… itu baru depa mata…”
kema : “##!@$”

Depe lusa kamari dorang dua ley ta baku dapa di warong kopi gara-gara kema so nafsu ungke cuma ja dapa tindis depe cerita kema langsung angka cerita..

kema : “Ungke, ngana tau tu hari torang ada cabu ubi..”
ungke : “Kiapa ??”
kema : “Wuihh, depe batang di kema satu.. kong depe akar di kema dua…..”
ungke : “Eh kema… asal ley ngn tau…”
kema : “Apa itu ?”
ungke : “Torang pe blanga goreng di sanger, depe talinga satu ada di tahuna kong tu satu ada di tagulandang…”
kema : “Pemar… for apa ley tu blanga goreng so pe besar begitu ???”
ungke : “FOR MO GORENG AKANG NGANA PE UBI ITU NOH…..!!!”

Ba TATA

Paitua so marah-marah, karena maitua tiap hari sibuk dan pulang lat.

Setiap tanya dari mana?….selalu maitua bilang ada urusan TATA BOGA, TATA RIAS, TATA USAHA deng TATA-TATA yang laeng.

Paitua bilang, “E..e..e.. Maitua,…ngana cuma bingo urus-urus sagala macam TATA….???!!! kong, Kita pe TATABEMBENG, TATAGANTONG cuma TATALUPA akang… Sampe so Sampe so mo TATALIPA aaa..aaa…a..”

Anjing Pintar

Dua orang wewene sementara baku-ambe akang dorang pe anjing-anjing. Nyanda ada diantara dorang yang mo mengalah, karena masing-masing basombong akang dorang pe anjing-anjing.

Wewene A: “Kita pe anjing hebat sekali. Tiap pagi dia so tunggu tu tukang koran di muka pintu. Bagitu tu tukang korang datang, Blacky langsung ambe tu koran kong kase pakita yang sementara smokol di meja makang.

Wewene B: “Kita komang so tau do itu…
Wewene A: (kage jaha) “Hah? Darimana dang ngana tau?”
Wewene B: “Kita pe Anjing yang cirita…” (Rasa ngana hehehe)

Brapa Liter

Suatu waktu, Kale pigi pa Oom Petu pe warong. Pas sampe dimuka warong.
Kale : “Oom Petu, bli roko dang…?”
Oom Petu : (acuh sambil ba ator jualan)
Kale : (deng suara yang sadiki keras) “Oom Petu…bli roko dang ?”
Oom Petu : (masih tetap acuh)
Kale : (bataria keras skali) “Oom petu….! Bli roko dang…!”
Oom Petu : (deng nada marah) “Eh..Kale, baku hormat sadiki deng orang tua, ngana pe kira kita pongo ? Brapa liter minya so ngana mo bli ?”
Kale : ???

Kirim Surat Nyanda Pernah Balas

Utu, seorang murid SMP yang terkenal nakal, ditegur oleh Ibu Gurunya.
Ibu Guru : ” Utu, kiapa kalamarin ngana nyanda maso skolah ?”
Utu : ” Sakit, Nci !”
Ibu Guru : ” Kiapa nyanda kirim surat ?”
Utu : ” Percuma ! Nci kwa nyanda pernah balas…?????”

Beli Sinyal 2

Pada suatu hari, pace Obed de turun ke kota di Wamena, pace de ada mau beli hape. sesampainya pace di sana pace langsung ke konter hape,

Obed : “Mbak ada hape kha?”
Penjual : “Iya ada. Bapak mau beli yang merek apa?”
Obed : “Sa mau yang pas di kasih nyala ada bunyi “teteneng, teteneneng, neng” ( dengan menirukan nada nokia)
Penjual : “Oh, nokia pak!”
Obed : “Yo! itu sudah!”
Penjual :”Kartu bapak?”
Obed : “Ya makanya sa juga mau beli itu juga!”
Setelah transaksi selesai, pace obed langsung naik gunung ke de pu desa. Tetapi, esoknya pace datang lagi,
Obed : “Mbak! ni de pu hape kenapa pas sa coba teleon bunyinya tiittiit… putus sa coba lagi, putus lagi, ni bagaimana Mbak?”
Penjual : “O, mungkin gak ada sinyal, bapak rumahnya dimana?”
Obed : “Di gunung sana!”
Penjual : “O pantas, disana gak ada sinyal!”
Obed : “Kalo begitu sa beli sinyal 2!”

3 thoughts on “Ba Ober Sadiki Dulu

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s